Rakhausvoimia

Meitä höntitethään
kaikin voimin
ja mediat lyö tahtia
ja meilä meinaa ihan
unehtua ihmiskunnan
hyä syän ja uuistuminen.

Ja non isoja
muutosvoimia,
ko met tavikset
löyämä oman voiman
ja sepä rakhausvoima
vahvistuu ja valtaa
allaa koko ajan,
hetki hetkeltä.

Piämä huiveista kiini,
pään kylmänä
ja syämmen lämpimänä,
siuhnausta ja ihanaa
päivää kaikile,
voikaa hyvin,
ootta rakhaita.

t. hilkkapösilöpien,
jota Hertta kannustaa:
höpsi ämmi, höpsi,
ei täälä hallitte mopsi,
ko yks puudeli vain.

#väskynpohjalta 47