Hau hau
Jos näen, ettei asia ole totta
tai se mennee väärin,
minun pitäs sanoa se äähneen,
ilman sarvia ja hamphaita,
sanoa vain, ei haukkumalla.
No siihenkösse minun ajatus
jo tupsahtiki, kyllä kyllä,
nuin mie haluaisin tehä,
tehä niinko pikkuläppi,
sanoa puhthaasti ja suohraan.
Eikä toista ihmistä piä alkaa
kasvattelheen, ei ei,
asiassa pittää pysyä
ja jättää toinen vaphaaksi
olheen ja tekheen niinko tekkee.
Sanoa vain, ei sole nuin
ja jättää asia siihen.
Ei tartte selitellä
eikä ainakhan tapela,
perustella selkeästi ja ok.
Kirjotan kirjaa #älänujerru
https://www.laronia.com #saajakaa
Henki sano
Minun äiti ruukas sanoa,
joku henki sano mulle
ja sitte se luotti ja usko
siihen hengen sanohmaan.
Mullekki sannoo henki,
kohan kuuntelisin
ja ottasin viestin toesta.
Kuinka ussein siis hoksaan,
miehän tiesin, vaistosin,
henki sano, mutten uskonu.
Kaikkiaan henki sannoo mulle,
huomaa energisoiva ja valaseva
ja kiinnostava, anna muun olla.
Jos joku tökkii,
minun pitäs kysyä henggeltä,
että mikä on homman nimi.
Kiitos henkeni ja elämäni
tämänki päivän tanssista
ja pus pus olemassaololle.
Kirjotan kirjaa #älänujerru
https://www.laronia.com #saajakaa
Päivät on raijjallisia
Tajunta täynä
hyvvää ja huonoa raitaa,
valosaa ja pimeää riviä,
kirkasväristä ja harmaata,
no siinähän pää sakkaa
ja syän pakkuu.
Entäpä, jos non sammaa,
jokhainen nuista ois sama asia
ja minusta niin onki.
Ei ole hyvvää eikä pahhaa,
päivämme vain on täynä hetkiä.
Ilman valoa eijjoo pimeää,
iman surua ei iloa,
non vain sanoja ja käsitteitä.
Mutta kuinka helposti
mie jään pyörittään päässäni
sanoja ja arviointiselityksiä.
Ja siinä kaiken keskelä
ihana elämä huilaa siutti suun
ja mie arvioin ja mie sykkyröin
ja mie nimeän ilmiöitä ja asioita
enkä tyynen rauhallisesti
kiitä ja elä raitoja toeksi,
itke ja naura piättelemättä,
rohkeasti elä, niinko elämä on.
Kirjotan kirjaa #älänujerru
https://www.laronia.com #saajakaa
Mitäs siittä
Jos elämä eijjoo täyellistä,
eikähän soo,
sehän koostuu monista
erilaisista asioista
ja niitten herättämistä
tuntemuksista ja mielikuvista
ja niitten kans
saikkaroinnista.
Saikkaroi rakhaani rauhassa,
joka hetki on arvokas
ja sie itte rakas ja paras
ja siinähän son,
täyellinen elämä
epätäyellisyyksissä.
Kirjotan kirjaa #älänujerru
https://www.laronia.com #saajakaa
On tietoa
Maailma ja netti on tietoa täynä,
mutta mitäsmie sillä tiola tehen.
Rymistelen ja rämistelen
sen kans uutisten tahtiin
ja viestien tempossa, ei ei.
Valitten sen, mikä soi,
mikä resonoi ja vain sitä
tutkin ja siihen perehyn.
Vaikka sois rumissa käähreissä,
vaikeasti änkytetty esitys,
väärin kirjotettu viesti,
mie voin silti valita just sen
ittele arvokhaaksi jyväseksi.
Jos se jyvä soittaa mulle
aitoa ja hyvvää,
sitä minun oikeaa säveltä
ja jatkan matkaa johatuksessa,
tanssin elämäni kans
ja pysyn isona ja ilosena.
Pling, soli tässä, siis että
kaikki maailman viissaus
on jo meissä, meän käytössä
niinko ilma, jota henggittää,
kohan muistama henggittää.
Kirjotan kirjaa #älänujerru
https://www.laronia.com #saajakaa
Mihis mie elämäni käytän
Toivon itteltä, että tarkistan
tuon tuostaki itteni kans,
onko tämä juttu mulle
hauskaa ja tärkeää.
Teen joustavia ja eläväisiä
valintoja.
Luotan, että tiän itte,
mikä on mulle ittele
tutkimisen ja tekemisen arvosta.
Elämäni kintupoluilla
keskityn omhaan tekemisseen.
Ihmettelen ja hyväksyn
kaikki ihmiset ja maailman menon.
Otan ja iloitten ja syön
niinko lehmä lepikossa
söis kaikessa rauhassa
ittele sopivia evhäitä.
Mullon valta ja voima
aatella itte
ja sitä, mitä itteni
ja elämäni kans tehen
ja aattelen,
eiköstä vainki,
aikasta mahtavaa,
huomenta murut.
Kirjotan kirjaa #älänujerru
https://www.laronia.com #saajakaa
taidelaronia 