Enkelit lentää ja lankeaa niinko kua vain 🖤🤍💙 #taidelaronia

Tämä runo jälellä vielä

Tämä runo jälellä vielä

Se koijju kasuaa vieläki sielä,
pöytä kantaa kattaukset,
kirjahylly kirjat
ja tuo rippiristi
kertoo sinusta
ja vaikkei äänesti ennää kaijju,
mie muistan sinua aina,
kiitos kiitos kiitos.

– hilkkapien

Kirjotan kirjaa #älänujerru
https://www.laronia.com Saa jakaa!

Hilkka hilpeän aamusaarna

Hilkka hilpeän aamujulistus

Ohase seki jotakiko ei tartte puolustaa eikä pittää niitä meän ihmisten kehittelemiä korttitaloja pystössä, se on toelaki jotaki.

Minun ei tartte todistaa siskojen eikä veljien puolesta eikä rinnala. En tunnusta mithän virallista vakkaumusta enkä uskoa, en valtiotakhaan eikä multa kukhan semmosia kysykhään, eipä sillä.

Eilinen on eilistä, tänhän uus aamu ja valittavana monta valintaa, mutta johatus näyttää, elämä kertoo sitte, mitä elämä tuo ja pyytää ja sitä sitte kuuntehleen herkälä korvala ja sitte vaan höpöttelheen. Tämä onnea on, joo, mie sanon, tämä onnea on.

Katon ja ihmettelenko maailman systeemit ryskää ja ihmiskunta ja maailma uuistuu.

Sori vaan, oon rouvva hulda huoleton, täälä skriivailee rouva hilkka hilpeä, toimiva ja ihan ittevarmasti onnellinen pösilö.

Siis ohammulla usko ja mulla on luottamus, kaikheus hoitaa homman ja hyvin meile käy ja tapahtuu, jee ja jes.

Ja mikähän julistus tämäki muka taasson, aamujulistus teile rakhaat some-kaverit ja tämei oo pakkopullaa niinko ei mikhän somessa, mahtavaa, ihan mahtavaa.

Kiittävin kannustavin kunnioittavin ja rakastavin terfeisin hilkkapien, ystävänne samasta ihmeellisestä kauhniista kaikheuesta.

Kirjotan kirjaa #älänujerru
https://www.laronia.com Saa jakaa!

Kiitos, en aijjo parantaa tapojani

Himphampun tekijä

Himphampun tekijä täälä höpisee

Kirjotan kirjaa,
välilä itkettää,
usseimiten naurattaa
ja aina saan energiaa.

Sie sanot,
onko tuo ees harrastus,
hahhahhahhaa,
naurama yhessä
ja mie osaltani
jatkan höpinääni
ihmiskunnan yhtenä osana
niinko tuo syksynlehti
tekkee osansa
kose lentelee
pitkin nurmikoita
ja lopulta maatuu.

Kirjotan kirjaa #älänujerru
https://www.laronia.com Saa jakaa!

Justse punanen lanka

Justse punanen lanka

Ehämmie tiä tilantheita
enkä toellisuuksia,
en ainakhaan,
enkä varsinkhaan etukätheen,
elämä yllättää,
mutta mullon joku
näkymätön punanen lanka,
jota en tarkemmin tiä,
mutta tunnistan sen,
tiän, mitä tehä,
vaistoan sen,
se johattaa minua
ja jos asiat rulettaa,
tiän, etoon oikealla tielä,
jatkan höpöttelyä
ja etheenpäin köpöttelyä,
puuhastelen ja hypistelen
sitä salhaista lankaani
ja josse välilä hukkuu,
pysähyn ja kuulostelen sitä
ja kohta taas näen sen
ja taas menhään.

Muksaa iltaa t. hilkkapien 1.10.22 klo 19:48

Kirjotan kirjaa #älänujerru
https://www.laronia.com Saa jakaa!