Suoruus
Son lääke, son terapiaa,
son tärkeää ja mahtavaa,
muttei päin naamaa
toisile paiskottuna,
ei toisia määrittelevänä,
parasta son itheensä käytettynä,
ittensä havainnointtiin.
Kirjotan kirjaa Älä nujerru https://www.laronia.com/
Suoruus
Month: lokakuu 2023
Viiminen kortti
Viiminen kortti
Oulussa 28.10.2023
Rakas Vilhelmiina ystäväni!
(Ei oikea nimi)
Täälä meän tavalisessa maailmassa
sie rakas Vilhelmiina et ennää
tartte ekkä lue minun kortteja,
niin olkhoon tämä viiminen kortti,
jonka mie sulle lähetän
ja tästä lähtien mulle riittäkhöön,
että minun henki
tervehtii sinun henkeä
ilman aihneellisia osotuksia.
Voi rakas ihana tärkeä Vilhelmiina,
kyllä met jaksoima itkeä
ja melkein joka asiaa
ja vielä useammin met nauroima
ja höpötimä asioita toisile.
Mie nytki vähän itken,
mutta enämpi mie iloitten
ja rakastavasti aattelen:
elämälle jättikiitos,
ko solet rakas Vilhelmiina
ollu olemassa mulle
ja jo sieltä nuoruuesta lähtien.
Nyt mooma vanhoja naisia,
sie sielä kaukana ja mie täälä
ja henggessä ja syämmessä
mie porisen sulle
ja varsinkiko näen
kauhneutta, ihania kukkia
tai kuulen klassista musiikkia.
Haikea ja hellän keveä silitys
ja lämmin ja saatteleva hallaus
rakas Vilhelmiinapien sulle,
kaikki hyvin.
Rakhauella t. Hilkkapien ja Hertta-koira
Te sielä rakhaan Vilhelmiinan lähellä,
sukulaiset, ystävät ja naapurit
ja tet kaikki sielä hoitopaikassa,
mie kiitän teitä
ja tiän, että tet teettä kaikki
parhhaanne mukhaan
ossaanne Vilhelmiinan elämässä
ja joka päivä taivas antaa
jonku valon, joka näkkee
ja viishaasti johtaa
teitä ja meitä.
Hyvvää voimallista syystalvea,
voikaa hyvin;
jokhainen päivä on yks
kallisarvonen elämä
joka ihmiselle.
Rakhauella Hilkka Laronia
Kirjotan kirjaa Älä nujerru https://www.laronia.com/
Määrätietonen ihminen
Määrätietonen ihminen
Sillon hallussa määrät ja mitat,
muttei se näe merkkejä,
ei kuule viestejä,
ei hoksaakko elämä sannoo,
vink vink, täälä, kato tänne,
täältä se sinun satheenkaari lähtee.
Kirjotan kirjaa Älä nujerru https://www.laronia.com/
Ohutnahkainen tyttö
Ohutnahkainen tyttö
Se tullee vasthaan
ilman askelmerkkejä,
kävelee tyhjän pääle
ja mennee heikole jääle.
Se ellää reunailmiöissä,
mahollisuuksissa,
ideoissa ja asioissa,
ja son tyttö, joka löytyy
marginaalista.
Ei se vempuloi
eikä manipuloi,
ei haali seuraajia
eikä sitä kannatte uskoa.
Se samanen tyttö on tuntenu
olemattomuuen ja toiseuen,
häpeän ja kipeän,
menettämisen pelon
ja yksin jäämisen kauhun.
Se tyär on nähty,
ja son nähny paljon,
son sinisilmänen
ja vieläki ripasilla
ohuen nahkasa kans
ja tietää, ettei tiä.
Kirjotan kirjaa Älä nujerru https://www.laronia.com/
Kysymysten tuolla puolla
Kysymysten tuolla puolen
Elämä vastaa paremmin,
ko met ikinä
ossaama kysyäkhään;
emmäkä met tiä
vasthauksia etukätheen,
ko vasta jälkikätheen,
mutta sillon meilon
jo uuet vasthaukset
ja koko ajan
elämä tarjoaa
parastaan.
Itku
Itku
Itku pelastaa paljon,
voitelee sielua
kokehmaan ja kestähmään
ja silmät vuotaa
ylimääräset pois.
Kirjotan kirjaa Älä nujerru https://www.laronia.com/
Tarkastaja
Tarkastaja
Mie vain tulin tarkisthaan,
ettemmioo sitonu
piikkilankaa
oman syämmen ympärille.
Kirjotan kirjaa Älä nujerru https://www.laronia.com/
Synnyinoikeus
Synnyinoikeus
Kaikkien läppien
synnyinoikeus
on saaha rakastaa
kaikkia.
Kirjotan kirjaa Älä nujerru https://www.laronia.com/
Joka päivä ja joka ikinen yö
Joka päivä ja joka ikinen yö
Kaaosta ja sekamelskaa,
iloa ja kipua,
totta ja kuvittelua
ja niitten yhistelmiä
ja elämänlaki sannoo:
kaikki tähet ja auringot
loistaa alvarhiinsa
meän ympärillä,
niinko ihmisekki,
elävät ja kuohleet,
täälä ajattomassa
iäisyyessä
ja joka päivä
ja joka ikinen yö
on kaikkea kaunista
ja totta ja ihanaa.
Älä aliarvioi ykspuoliseksi ohjelmoitua
Älä aliarvioi ykspuoliseksi ohjelmoitua
Otan kantaa joka asihaan
sammaa vaajin muiltaki
lissään perhhään hästäkin
puhun ja perustelen
arvioin ja arvostelen
tiän ja ossaan
menheet ja tulevat
mielipitheissä löytyy
aina taistelemassa
aina oikeassa
puolesta tai vasthaan.
Ymmärtäminen hukassa
käsittäminen takussa
ei viisastumisaikaa
ei jären käytöstä taikaa
ei suhteellisuuen tajua
suut ja silmät täynä
puhasta aatheellista faktaa.
Kähisenkö kuiva koijju
ritisen ja rätisen
kovetun ja oksat katkeilee
kimpoilen joka tuulen följhyyn
tai joka följystä irti
ei yhteyttä maahan
etin turvaa
pelkään eksymistä
ja kesken kaiken
vesi ja sammal tuoksuu
ja oksilta kuuluu laulu.
Kirjotan kirjaa Älä nujerru https://www.laronia.com/
taidelaronia 