Sylvi

29 x 30 cm vesiväri

Sylvi synty ison kaupungin laijjalla kuuman auringon alla

29 x 30 cm vesiväri

Sylvillä oli tumma iho ja kihara tukka

29 x 30 cm vesiväri

Sylvin mielestä häntä ohjattiin taihvaasta

29 x 30 cm vesiväri

Sylvi rakasti ihmisiä ja silloli paljon ystäviä

29 x 30 cm vesiväri

Sylvi ei omistanu mithään maallisia rikhauksia

29 x 30 cm vesiväri

Sitte ihana Sylvi tuli kipeäksi ja lähti täältä meän maailmasta

29 c 30 cm vesiväri

Yks hyvä ja ihana nainen on pois joukostamme!

 

Ranska

29 x 30 cm vesiväri

Ranskanmaalla met kahestaan

Katelhaan ja kulettaan

Sitte aina välistä halattaan

Ja kohta kotia palattaan!

– Hilkka Laronia ja Ranskalaiset korot!

Piä pintas

21 x 29 cm vesiväri

Houkutuksia riittää hou hou

Mutta ou nou nou

Piä pintas

Ole oma ittes

Anna mennä

Kaaju ja nouse ylös

Naama ruvella

Märsyn alta vappautuu ilo

Piä pintas

Älä ikinä anna periksi!

t. hilkkapien

Polta sillat takanasti

21 x 29 cm vesiväri

Älä yritä istua kahela tuolila yhtä aikaa

Joko elät tässä ja nyt

Tai sitte menneisyyessä tai tulevaisuuessa

Tässä ja nyt on toellisuus

Eikä mithän muutako tämä hetki

Ja henggitys

 – Hilkka Laronia ja Opettele luonnonlait!

Eikä mithään puutu

20 x 29,5 cm vesiväri

Onse tämä elämä semmonen rääkki

Ettei tyhjänpäiväset varmistelijat ymmärrä

 – Hilkka Laronia

Tärkeä päivä

Ja tänhän mullon tärkeä päivä

Taiteilijatappaaminen itteni kans

Tänhän pikkuhilkka leikkii

Tervetuloa elämä

t. hilkkapien

 

P.s. Mie ihan omilla oikeuksilla määrittelen taitheeni elämänasentteeksi, lämpimästi tervetuloa kylhään taidemaailhmaani, joka näkkyy töissäni – tai sitte sei näy, väliäkössillä sitte on! t. sama

Vuorovaikutus

30 x 42

Vuorovaikutusta kaikki tyynni

Kaikki melu ja hölinä, nauru ja pauke

 

Älä hilkkapieni vaikuta toisten korvia täythöön

Kuuntele, kuuntele, kato, kato

Ole rauhassa

Ole hiljaa, ihan hiljaa

Älä aattele niin paljon

Äläkä ainakhaan kuuvittele toisen päähän mithään

Anna toisen ilmasta, olla ja puhua niinko haluaa – ja kuuntele

 

Kuunteleminen on kaikkien kohteliaisuuksien äiti

Sannoo ihana Jari Sarasvuo

 

Henggitä ja nauti

Iloittema toisistamme

 

Aaaaah, olet ihana!

 

– hilkkapien

Menninkäisten maa

32x 42 cm

 

Leikimäkös nyt semmosta, että tämois lähössä sieltä lapinmökistä rintamaille
Alas sieltä ylhäältä, missä aina samantien saan ittestä kiini
Ja mie aattelisin nyt sitte kokkeilla pittää ittestä kiini
Olla hukkaamatta itteäni ollenkhaan
Kattosin koko ajan tarkasti, missä mie itte olen ja pitäsin lujasti ittestä kiini
Ittensä löytähneet näkkee ittensä

Hämmentäjiä, meitä hämmentäjiä on ihan liikaa täälä maailmassa…
Mie juon nyt toisen kupin kahvia ja olen ihan hiljaa
Katon sinua, hallaan sinua
Kiitän ja ihmettelen
Kiitos ja siunausta timantit
Olhaan hyviä haltijoita toisile

– Hilkka Laronia

Yhtheensä

42 x 59 cm

 

Jos nyttois ruusujen aika ja jossoisit ruusu, soisit just tuommonen
Jos nyt satas vettä ja jossoisit vastaus, oisit viisas semmonen
Nytton ilta kohta tullu ja jossoisit minun kaveri oisit paras ja ihanin
Ja solet just semmonen ja enämmän ja kaikki yhtheensä

– Hilkka Laronia ja Sinusta iloitteminen!

Parhhaita

30 x 42 vesivärit ja pumpulilangasta virkattuja paloja

Kaikki molhaan koko ajan parhhaita

Kaikki tekkee koko ajan parasthaan

 

– Hilkka Laronia ja Tottuuen torvi!