Tunnekomero tienposkessa
Tunnekomero on kaappi,
johon itte kukaki kerrää
elämänsä varrelta
omia tuntheita
ja kodinomasia tunnelmia.
Elämän alussa jokhainen
saa oman sielunsa mukasen
kaapin ja vähitellen
koko muistovalikoiman.
Muistoja käyhän läpi,
lajitelhaan, luokitelhaan,
ja esitelhään toisile
tai piilotelhaan
itteltäki sallaa
hyllyjen alle
ja nurkkien taka.
Seurustelhaan
omien tuntheitten kans,
enämpi tai vähempi
privaatisti.
Jokku kulkee elämänsä läpi
tunnekaappi harteihlaan
tai peräti muuttaa
kokohnaan komehroonsa,
pyörii ja hyörii
tunnemuistojen kans.
Joskus joku jättää
kaappinsa tienposkheen,
sannoo keveät heipat
ja lähtee omile teihleen
kohti uusia tuntemattomia
ulottuvuuksia vaphaana,
ko taihfaan lintu.
taidelaronia 