Joulun jäljillä

Jos sie oot ihminen, joka voi
lopettaa taistelun pahhaa vasthaan,
jossoot se ihminen, jokei valitte puolta,
jokei ole puolesta etkä vasthaan,
siehän voit siirtyä tai ehkä oot jo mennykki
sinne, missä on seesteinen rauha,
mielenrauha, maailmanrauha.

#akvarelli #taidelaronia

Marraskuun ukko

Marraskuun ukko,
ookko sie itte oman tiesti tukko,
ota kätheen puukko,
anna hellulle suukko,
vuole lastuja laihneille,
anna huutia paihneille,
tekemisen ihmeitä,
voi meitä,
suupieliin hymy,
loppu tahmeuksien lymy,
ja muista, koko syän auki,
ettei pysty mikhän tauti,
hei hei, pai pai, pus pus!

Yhä hihtoo henki täälä

Yhä liikkuu vielä henki täällä
Hihtoo joka säällä
Välilä pahalla päällä
Eikä kysy, saako tulla
Tai että onko pullaa
Se vaan tullee ja mennee
Kaikkialla kulkee
Ja meät sylhiinsä sulkee
Puspus paipai maailma 💜🙏